ممبئی (نیوزڈیسک)بولی وڈ سپر اسٹار رنبیر کپور لگاتار کئی فلموں کی ناکامی کے بعد اپنے کیرئیر کے حوالے سے غیریقینی صورتحال کا شکار ہوگئے ہیں۔رنبیر کی حال ہی میں ریلیز ہونے والی فلم ‘بومبے ویلوٹ’ نے باکس آفس پر کچھ خاص کامیابی حاصل نہیں کی اور نہ ہی دیکھنے والوں کو ان کی فلم کچھ زیادہ پسند آئی تھی۔فلم ‘بومبے ویلوٹ’ کو تقریباً 9 کروڑ روپے کا نقصان ہوا ہے جس کے بعد یہ اس سال کی اب تک سب سے بڑی فلاپ فلم بن چکی ہے۔ رنبیر کپور کا ایک انٹرویو میں کہنا تھا کہ ‘میری فلمیں کچھ عرصے سے باکس آفس پر کوئی کمال نہیں دکھا پا رہی جس کے بعد مجھے نہیں پتا میرے بولی وڈ کیرئیر کا کیا ہوگا’۔البتہ رشی کپور کے بیٹے کی بولی وڈ میں کئی فلمیں زیرتکمیل ہیں جن میں سے ایک فلم ان کی سابقہ گرل فرینڈ دیپیکا پڈوکون کے ساتھ بھی ہے۔