لاہور (نیوزڈیسک) نیسپاک نے کامیاب بولی کے ذریعے بھاشاڈیم کا مختصر مدت کا ایک منصوبہ جیت لیا ہے۔ اس حوالے سے نیسپاک اور واپڈا میں معاہدہ طے پا گیا ہے اور نیسپاک قومی اہمیت کے اس منصوبے کے لیے اپنی ماہرانہ مشاورتی انجینئرنگ خدمات فراہم کرے گا۔ نیسپاک کی خدمات میں ٹھیکیداروں کی پری کوالیفیکیشن کے لیے دی گئی درخواستوں کا ازسرنو جائزہ،

بولی کے کاغذات کا جائزہ اور مین ورکس کنٹریکٹ کے لیے دی جانے والی پیش کشوں کا جائزہ شامل ہیں۔ معاہدہ کے تحت کنسلٹینٹس چھ ماہ کی مدت میں کام کی تکمیل کریں گے۔ دیامیر بھاشا ڈیم دریائے سندھ پر تعمیر کیا جائے گا اور اس پر ابتدائی کاموں کا آغاز کردیا گیا ہے۔ ڈیم کا انجینئرنگ ڈیزائن اور ماحولیاتی بحالی کے کام 2008 میں مکمل ہوئے تھے۔نیسپاک کو یہ اعزاز حاصل ہے کہ یہ ملک کی واحد کمپنی ہے جس نے پاکستان اور 12 دیگر ممالک میں سب سے زیادہ ڈیم اور ہائیڈروپاور کے منصوبے مکمل کیے ہیں۔ نیسپاک اب تک پاکستان، افریقہ اور مڈل ایسٹ میں207 ڈیم اور ہائیڈروپاور کے منصوبے مکمل کر چکی ہے۔ ان منصوبوں میں منگلہ ڈیم ریزنگ پراجیکٹ، میرانی ڈیم، سبکزئی ڈیم، عطاء آباد لینڈ سلائیڈنگ ڈیم، فاٹا میں 12 ڈیمز، 969 میگاواٹ، نیلم جہلم ہائیڈروالیکٹرک منصوبہ، 1450 میگاواٹ غازی بروتھا ہائیڈروپاور کا منصوبہ، تربیلا ہائیدروپاور کا منصوبہ، وادی دیکاہ ڈیم ایران، والہ ڈیم اردن، بخشاباد ڈیم افغانستان، سعودی عرب میں ڈیم کے منصوبے اور ابودو ڈیم نائیجیریا شامل ہیں۔  نیسپاک نے کامیاب بولی کے ذریعے بھاشاڈیم کا مختصر مدت کا ایک منصوبہ جیت لیا ہے۔ اس حوالے سے نیسپاک اور واپڈا میں معاہدہ طے پا گیا ہے اور نیسپاک قومی اہمیت کے اس منصوبے کے لیے اپنی ماہرانہ مشاورتی انجینئرنگ خدمات فراہم کرے گا۔ نیسپاک کی خدمات میں ٹھیکیداروں کی پری کوالیفیکیشن کے لیے دی گئی درخواستوں کا ازسرنو جائزہ، بولی کے کاغذات کا جائزہ اور مین ورکس کنٹریکٹ کے لیے دی جانے والی پیش کشوں کا جائزہ شامل ہیں۔

موضوعات:بھاشاڈیم