ڈیرہ اسماعیل خان(آئی این پی)سوئی نادرن گیس کی غفلت کے باعث بلال آبادمیں کھودے گئے گڑھے میں گرکر6ماہ قومے میں رہنے کے بعدغریب سائیکل سواراشفاق زندگی کی بازی ہارکرخالق حقیقی سے جاملا۔تفصیلات کے مطابق تھانہ کینٹ کی حدودمیں واقع علاقہ بلال آبادمیں 6ماہ قبل سوئی نادرن گیس کی طرف سے کھودے گئے گڑھے میں غریب سائیکل سواراشفاق
سکنہ بلال آبادگرکرشدید زخمی ہونے کے بعدقومے میں چلاگیا۔ گزشتہ روزملتان میں زندگی کی بازی ہارکر وفات پاگیا۔ انتہائی غریب اشفاق کے چھوٹے بچے ہیں وہ بھی ذہنی مریض ہیں جب کہ اشفاق مرحوم کی بیوہ لوگوں کے گھروں میں کام کرکے گھرکاگزربسرکرتی ہے ۔اہلیان علاقہ نے مخیر حضرات سے متاثرہ خاندان کی امدادکی اپیل کی ہے۔
