اسلام آباد(مانیٹرنگ ڈیسک)گزشتہ دنوں نواز شریف کے گارڈز نے نجی ٹی وی کےکیمرہ مین  پر حملہ کیا تھا جس کے نتیجے میں وہ شدید زخمی  ہو گئے تھے تاہم سابق وزیر اعظم  نے واضح الفاظ میں معافی مانگنے کی بجائے کہا تھا کہ میرے گارڈ پر بھی کیمرہ مین کی طرف سے تشدد کیا گیا تھا۔الیکشن سے قبل جب پی ٹی آئی جلسے کیا کرتی تھی تو اس دوران بھی ان کے کارکنان کی طرف سے خاتون اینکرز کو ہراساں کیا جاتا تھا۔اسی حوالے سے معروف اینکر غریدہ فاروقی

نے ٹویٹ کرتے ہوئے کہا ہے کہ 2014ء میں جب میں سما ٹی وی میں کام کرتی تھی اور پی ٹی آئی کا جلسہ کور کر رہی تھی تو مجھ پر پی ٹی آئی کے کچھ کارکنان کی جانب سے ملتان اور اسلام آباد میں حملہ کیا گیا تھا۔تب بھی سماء ٹی وی نے کھل کر اور انتہائی جارحانہ انداز میں اس کی کوریج جاری رکھی ۔ جلسے کے دوران عمران خان اور پی ٹی آئی کا نام لے کر تنقید کرتی  تھی۔لیکن عمران خان نے تہذیب کا مظاہرہ کرتے ہوئے مجھے فوراََ کال کی اور ذاتی طور پر واقعے کی معافی مانگی تھی ۔