پیتھائی (این این آئی) سمندری طوفان پیتھائی بھارتی ریاست آندھراپردیش کے ساحلی علاقوں سے ٹکرا گیا جس کے نتیجے میں لینڈ سلائیڈنگ کے باعث ایک شخص ہلاک ہو گیا۔گزشتہ روز آندھراپردیش کے ساحلی علاقوں سے ٹکرانے والے طوفان پیتھائی کے باعث بارشیں ہوئیں،تیزہواؤں سے درخت جڑ سے اکھڑ گئے۔

اور بجلی کے پول گر گئے،وشاکاپٹنم ائیر پورٹ پر پروازیں بھی منسوخ کرنی پڑیں۔اڑیسہ کے نشیبی علاقوں سے 11 ہزار افراد کو محفوظ مقام پر منتقل کیا گیا ۔بھارتی محکمہ موسمیات کے مطابق سمندری طوفان کیزیر اثر آندھراپردیش اور اڑیسہ میں بھی آئندہ چوبیس گھنٹوں کے دور ان بارشوں کا امکان ہے۔