اسلام آباد (مانیٹرنگ ڈیسک) وزیراعظم عمران خان نے وزیر قانون پنجاب راجہ بشارت اور ایم ایس بے نظیر بھٹو ہسپتال ڈاکٹر طارق نیازی کی ٹیلی فون فونک گفتگو کے معاملے کا نوٹس لیتے ہوئے میرٹ پر فیصلہ کرنے کی ہدایت جاری کر دی ہے، ایک نجی ٹی وی چینل کی رپورٹ کے مطابق وزیراعظم عمران خان نے لیگی رہنما حنیف عباسی کی بیٹی کے تبادلے کے حوالے سے صوبائی وزیر قانون اور ہسپتال کے ایم ایس کے درمیان
ہونے والی گفتگو کا نوٹس لیتے ہوئے وفاقی وزیر صحت عامر کیانی سے رپورٹ طلب کر لی ہے، دوسری جانب وزیر صحت پنجاب ڈاکٹر یاسمین راشد نے بھی اس واقعے کا نوٹس لیتے ہوئے راولپنڈی میڈیکل یونیورسٹی کے وائس چانسلر پروفیسر عمر کو رپورٹ تیار کرنے کی ہدایات جاری کر دی ہیں۔ صوبائی وزیر صحت ڈاکٹر یاسمین راشد نے محکمہ صحت کے سٹاف سے کہا کہ سیاسی مداخلت پر مجھے براہ راست رپورٹ کی جائے۔
