مقبوضہ بیت المقدس (این این آئی) حماس نے جماعت کے 31 ویں یوم تاسیس کے موقع پر قوم کے نام جاری پیغام میں کہا ہے کہ جماعت فلسطین کی مکمل آزادی اور صہیونی ریاست کے زوال تک مسلح جد جہد جاری رکھے گی۔حماس کی جانب سے جماعت کے یوم تاسیس کی مناسبت سے جاری بیان میں کہا گیا ہے کہ جماعت فلسطین کے ایک ایک انچ کی دشمن کے قبضے سے آزادی، بیت المقدس کو اس کا دارالحکومت بنانے، فلسطینی پناہ گزینوں کی ان کے گھروں کو واپسی کی جدو جہد جاری رکھے گی۔بیان میں

کہا گیا ہے کہ آزادی فلسطینی ریاست، فلسطینی اداروں کی تاسیس، بیت المقدس کو اس کا دارالحکومت بنانے، پناہ گزینوں کی واپسی جماعت کے اولین ایجنڈے میں شامل ہے۔ حماس فلسطینی قوم میں پائی جانیوالی بے اتفاقی کے خاتمے اور قومی شراکت کے قیام کے لیے ہر ممکن کوششیں جاری رکھے گی۔بیان میں مزید کہا گیا ہے کہ حماس قوم کو درپیش چیلنجز کے حل کیلئے دیگر تمام فلسطینی قوتوں کیساتھ مل کر کام جاری رکھے گی۔ حماس کا کہنا ہے کہ صہیونی دشمن کے خلاف مزاحمت فلسطینیوں کا حق ہے۔