اسلام آباد(آئی این پی )کابینہ ڈویژن نے وفاقی وزراء ،وزرائے مملکت ، مشیروں اور معاون خصوصی کی نئی فہرست جاری کردی ،کابینہ میں وفاقی وزراء کی تعداد24ہے جبکہ کا بینہ میں 6وزرائے مملکت ، 4 مشیر اور 8معاون خصوصی ہیں،وزیراعظم عمران خان داخلہ ، مواصلات، سیفرون ،اوورسیز پاکستانیز اورپارلیمانی امور کے انچارج وزیر ہیں ۔تفصیلات کے مطابق جمعرات کو کابینہ ڈویژن نے وفاقی وزراء ،وزرائے مملکت ، مشیروں اور معاون خصوصی کی نئی فہرست جاری کردی ۔

خسرو بختیار کو شماریات کا اضافی چارج دے دیا گیا ، محمد میاں سومرو کو ایوی ایشن کا اضافی چارج دیا گیا ۔وزیراعظم عمران خان کی کابینہ میں وفاقی وزراء کی تعداد24ہے ۔ مستعفی وفاقی وزیر اعظم سواتی کا نام بدستور کابینہ کی فہرست میں موجود ہے ۔ کابینہ میں 6وزرائے مملکت ، 4 مشیر اور 8معاون خصوصی ہیں ۔ وفاقی وزیر مواصلات مراد سعید کے پاس پوسٹل سروسز کا اضافی چارج ہے ۔ وزیراعظم عمران خان داخلہ ، مواصلات، سیفرون ،اوورسیز پاکستانیز اورپارلیمانی امور کے انچارج وزیر ہیں ۔