لاہور( این این آئی)وفاقی وزیرخزانہ اسدعمرنے کہاہے کہ حکومت نے تقریباً سات لاکھ ایسے افراد کے کوائف جمع کئے ہیں جنہیں ٹیکس ادا کرناچاہیے،پاکستان کواقتصادی عروج کے حصول میں دوسال کاعرصہ درکارہوگا۔ایک انٹر ویو میں انہوں نے کہا کہ مختلف ممالک کے ساتھ معاہدے کئے گئے ہیں جن سے ہمیں ان افراد سے متعلق معلومات حاصل ہوسکیں گی جنہوں نے اپنے اثاثے بیرون ملک منتقل کئے یاٹیکس چوری کے لئے انہیں چھپایا۔تقریباً ایک لاکھ 52ہزارایسے افراد کے اعدادوشمار اکٹھے کرلئے گئے ہیں اور
حکومت کو بیرون ملک اثاثے منتقل کرنے والے باقی افراد کے بارے میں مزید معلومات جلد مل جائیں گی۔روپے کے مقابلے میں ڈالر کی بڑھتی قدرکے حوالے سے سوال کے جواب میں انہوں نے کہاکہ گزشتہ حکومتیں ڈالرکی اس بڑھتی ہوئی شرح کی ذمہ دارہیں۔اسدعمرنے کہاکہ تحریک انصاف کی حکومت نے سرمایہ کاروں کو سازگارماحول فراہم کیا ہے اور بیرون ملک مقیم پاکستانیوں کی طرف سے آئندہ دنوں میں ملک میں سرمایہ کاری متوقع ہے۔پاکستان کواقتصادی عروج کے حصول میں دوسال کاعرصہ درکارہوگا۔
