اسلام آباد(این این آئی) پاکستان نیٹ بال فیڈریشن نے آل پاکستان انٹر بورڈ گرلز نیٹ بال چیمپیئن شپ کے دوران قومی جونیئر ٹیم کے چناؤ کے سلسلہ میں چار رکنی سلیکشن کمیٹی کے ناموں کا اعلان کر دیا ہے، آل پاکستان انٹر بورڈگرلز نیٹ بال چیمپیئن شپ28 نومبر سے 30 نومبر تک پاکستان سپورٹس کمپلیکس اسلام آباد کے حمیدی ہال میں کھیلی جائے گی، پاکستان نیٹ بال فیڈریشن کے صدر مدثر آرائیں نے چار رکنی سلیکشن کمیٹی کے ناموں کا

اعلان کرتے ہوئے بتایاکہ اسلام آباد نیٹ بال ایسوسی ایشن کے صدر کرنل (ر) غلام مرتضی شاہ کمیٹی کے چیئرمین ہونگے۔ جبکہ دیگر ممبران میں رانا تنویر احمد، عائشہ آرائیں،چوہدری محمد رضوان اورثوبیہ سلطانہ چوہدری شامل ہیں، انہوں نیکہا کہ چیمپیئن شپ کے دوران اچھی کارکردگی دکھانے والی20 خواتین کھلاڑیوں کے ناموں کا اعلان کیا جائیگا، جوکہ آئندہ برس 22 جون سے جاپان میں کھیلی جانے والی ایشین جونیئر گرلز نیٹ بال چیمپیئن شپ شرکت کرے گی۔

موضوعات:پاکستان نیٹ بال فیڈریشن