کیپ ٹاؤن(این این آئی)جارح مزاج ویسٹ انڈین بلے باز کرس گیل نے مزانسی سپر لیگ کے پہلے مرحلے کیلئے اپنی دستیابی کی تصدیق کر دی، وہ ایونٹ میں جوزی سٹارز کی طرف سے ایکشن میں دکھائی دیں گے۔ ایونٹ 16 نومبر سے 16 دسمبر تک کھیلا جائے گا، گیل نے اس دوران متحدہ عرب امارات میں شیڈول ٹی 10 کرکٹ لیگ میں

بھی شرکت کرنی ہے جس کی وجہ سے ان کی جنوبی افریقن لیگ میں شرکت غیریقینی صورتحال کا شکار تھی۔ کرکٹ ساؤتھ افریقہ چیف ایگزیکٹو تھبانگ موروئے نے اپنے بیان میں کہا کہ گیل کی لیگ میں شرکت مشکوک لگ رہی تھی لیکن ان کے دستیابی کے اعلان کے بعد ہم بہت پر جوش ہو رہے ہیں کیونکہ ان کی ایونٹ میں شرکت سے لیگ کی رونق دوبالا ہو جائے گی۔

موضوعات:کرس گیل