لاہور (مانیٹرنگ ڈیسک) آسیہ مسیح پاکستان میں محفوظ نہیں۔اس کے پاس ملک چھوڑنے کے علاوہ اور کوئی دوسرا راستہ نہیں ہے۔بھائی کی گفتگو،،نجی ٹی وی کے مطابق آسیہ بی بی کے بھائی جیمز مسیح کا کہنا ہے کہ ابھی وہ اس ملک کا نام نہیں بتا سکتا جہاں آسیہ بی بی کو لے کر جایا جائے گا تاہم اسپین اور فرانس نے آسیہ بی بی پناہ دینے کی آفر کی ہے۔جمیز مسیح نے مزید بتایا کہ آسیہ بی بی کے شوہر عاشق مسیح اکتوبر کے وسط میں اپنے بچوں کے ہمراہ برطانیہ سے واپس آئے اور وہ آسیہ بی بی کی

رہائی کے انتظار کر رہے تھے۔تاہم مذکورہ خاندان کو سپریم کورٹ سے آنے والے فیصلے کے بعد ملک میں پیدا ہونے والی صورتحال کے پیش نظر چھپا کر رکھا ہوا ہے۔دوسری جانب آسیہ مسیح کے شوہر عاشق مسیح کا کہنا ہے کہ میری دو چھوٹی بیٹیوں کی عمر اس وقت دس برس سے بھی کم تھی جب آسیہ مسیح کو جیل ہوئی۔اور ان دونوں کو والدہ کے ساتھ گزارا ہوا وقت بھی یاد نہیں ہے۔عاشق مسیح نے کہا کہ ہم عدالت کے شکر گزار ہیں کہ اس نے ہمیں انسان تصور کرتے ہوئے عقیدے اور مذہب کی تفریق کیے بغیر فیصلہ سنایا۔