اسلام آباد(این این آئی) پاکستان سوئمنگ فیڈریشن کے زیراہتمام قومی جونیئر خواتین سوئمنگ چمپئن شپ30 اکتوبر سے پاکستان سپورٹس کمپلیکس اسلام آباد کے سوئمنگ پول میں شروع ہوگی۔اسلام آباد سوئمنگ ایسوسی ایشن (خواتین ونگ )کی جنرل سیکرٹری روبینہ صدیق نے بتایا۔
چمپئن شپ میں ملک بھر سے چھ ٹیموں کی خواتین کھلاڑی حصہ لے رہی ہیں جن میں پاکستان واپڈا، پاکستان آرمی ، پاکستان نیوی، پنجاب، سندھ اور اسلام آباد شامل ہیں انہوں نے کہا کہ چمپئن شپ میں مختلف کیٹگریز کے ایونٹس منعقد ہونگے جن میں فری سٹائل، انفرادی میڈلے، بریسٹ سٹروک، بٹر افلائی، فری سٹائل ریلے، بیک سٹروک اورمیڈلے ریلے شامل ہیں اور چمپئن شپ میں شرکت کرنے والی تمام ٹیموں کی منیجرز میٹنگ 29 اکتوبر کو ہوگی جس میں چمپئن شپ کے ڈراز اور نئے قوانین کے بارے میں آگاہ کیا جائے گا۔ انہوں نے کہا کہ چمپئن شپ 31 اکتوبر تک جاری رہے گی جس کے اختتام پر کامیابی حاصل کرنے والی خواتین کھلاڑیوں کو انعامات تقسیم کئے جائیں گے، پاکستان سپورٹس بورڈ سوئمنگ پول کے اسسٹنٹ ڈائریکٹر سعید اختر نے بتایا کہ چمپئن شپ کے لئے پاکستان سپورٹس بورڈ نے تمام انتظامات مکمل کر لئے گئے اورکھلاریوں کے لئے سوئمنگ پول میں تمام سہولیات فراہم موجود ہیں،پاکستان سپورٹس بورڈ سوئمنگ پول کے سب انجینئر لیاقت علی چوہدری نے بتایا کہ سوئمنگ پول کی تمام مشنری اور فلٹر سسٹم ٹھیک ہے اور سوئمنگ پول میں انٹرنیشنل سطح کی تمام سہولیات موجود ہیں، انہوں نے بتایا کہ سوئمنگ پول میں ساڑھے تین لاکھ گیلن پانی ہے جس کو روزانہ دو بارہ فلٹر کیا جاتا ہے۔
