لاہور( این این آئی)مسلم لیگ (ن) کے مرکزی رہنما خواجہ سعد رفیق نے کہا ہے کہ خبریں آرہی ہیں کہ حکومت اپنے مخالفین کو ٹھکانے لگانا چاہ رہی ہے، احتساب کے نام پر انتقام لیا جارہا ہے، یہی روش رہی تو پاکستان اور سیاسی استحکام کو ناقابل تلافی نقصان ہوگا۔لاہور ہائیکورٹ کے باہر میڈیا سے گفتگو کرتے ہوئے سعد رفیق نے کہا کہ بعض لوگوں کی وجہ سے نظام عدل امتحان میں پڑ چکا ہے ۔ اگر یہی روش جاری رہی تو سیاسی استحکام کو ناقابل تلافی نقصان ہوگا۔ انہوں نے کہا کہ آج مجھے بتایا

گیا ہے کہ نیب کو ریلوے کے حوالے سے بھی شکایت ہے ۔ افسوس ہے کہ ہم اپنا خون جگر دے کر مرے ہوئے قومی ادارے کو سیدھا کرتے ہیں اور ہماری کارکردگی پر پانی پھیر دیا جاتا ہے ۔ میرا آشیانہ سے کوئی لینا دینا نہیں ، مجھے پیرا گون کا مالک بنا دیا گیا ہے ، یہ سب باتیں مفروضو ں پر مبنی ہیں ،کوئی ثبوت فراہم نہیں کیا گیا ۔ انہوں نے کہا کہ ماضی میں بھی یہ بھگت چکا ہوں اور مجھے تحقیقات کے بعد کلین چٹ دی گئی ۔ یہ خبریں آرہی ہیں کہ حکومت اپنے مخالفین کو ٹھکانے لگانا چا رہی ہے ۔