پشاور(این این آئی) پاکستان آرچر ی فیڈریشن کے سیکرٹری جنرل وصال محمد خان نے کہا ہے کہ ملک میں آرچری کے ٹیلنٹ کی کمی نہیں بلکہ حکومت دیگر کھیلوں کی طرح آرچری کے کھیل پر بھی توجہ دے، میڈیا سے گفتگو کرتے ہوئے انہوں نے کہا کہ ملک میں آرچری کا کھیل آہستہ آہستہ مقبولیت اختیار کر رہے لیکن حکومت کو بھی دیگر کھیلوں کی طرح اس کھیل کی ترقی کے لئے اقدامات کرنے ہونگے، وصال محمد خان نے کہا کہ سکول اور کالجز کی سطح پر بھی آرچری کے مقابلے منعقد ہونے شروع ہو

گئے ہیں جبکہ یونیورسٹیز کی سطح پر پہلے ہی سالانہ مقابلے ہورہے ہیں، انہوں نے کہا کہ پاکستان آرچری فیڈریشن کے زیراہتمام اور پنجاب آرچری ایسوسی ایشن کے تعاون پہلی بین الصوبائی آرچری چیمپیئن شپ 25 دسمبر سے پنجاب سٹیڈیم لاہور میں شروع ہو گی، پاکستان آرچری فیڈریشن کے سیکرٹری جنرل وصال محمد خان نے بتایاکہ چیمپیئن شپ میں ملک بھر سے 6 ٹیموں کے مرد اور خواتین کھلاڑی حصہ لے رہے ہیں جن پنجاب، خیبر پختونخوا، سندھ، بلوچستان، فاٹا اور اسلام آباد کی ٹیمیں شامل ہیں۔