لاہور(نیوز ڈیسک) بالی ووڈ اداکار رنبیر کپور اور کترینہ کیف نے 2016 میں شادی کرنے کے حوالے سے شائع ہونے والی خبروں کی تردید کر دی ہے۔رنبیر کپور نے میڈیا کو انٹرویو دیتے ہوئے کہا کہ میر ی اور کترینہ کی شادی سے متعلق شائع ہونے والی خبر درست نہیں ہے۔ اس وقت شادی کا کوئی ارادہ نہیں ،کیونکہ ہم دونوں ہی اپنے کیریئر سے متعلق کافی مصروف ہیں۔نجی ٹی وی کے مطابق رنبیر کا مزید کہنا تھا کہ وہ شادی جیسی بڑی خبر کو کبھی نہیں چھپائیں گے کیوں کہ کافی لوگوں کی زندگی ان سے جڑی ہوئی ہے۔دوسری جانب اداکارہ کترینہ کیف کا بھی کہنا ہے کہ انہوں نے بھی ابھی شادی کا کوئی فیصلہ نہیں کیا ہے۔واضح رہے کہ رنبیر کپور اس وقت اپنی فلم ‘تماشہ ‘ اور ‘جگا جاسوس’ کی شوٹنگ میں مصروف ہیں جبکہ کترینہ کیف کانز فیسٹیول سے واپسی پر اپنی فلم ‘فتور’ اور ‘جگا جاسوس’ پر کام کریں گی۔