کابل(انٹرنیشنل ڈیسک) افغان دارالحکومت میں دو دھماکوں میں 20 افراد ہلاک اور60 زخمی ہو گئے۔افغان حکام کے مطابق ہلاک ہونے والوں میں امدادی کارکن بھی شامل ہیں،غیرملکی خبررساں ادارے کے مطابق جمعرات کو جاری ایک بیان میں افغان وزارت داخلہ نے کہاکہ پہلا خود کش حملہ دشت برچی کے علاقے میں اسپورٹس کلب میں

ہوا۔دھماکے کی جگہ پر امدادی کارکنوں، پولیس اہلکاروں اور صحافیوں کی بڑی تعداد جمع ہونے کے بعد دوسرے خود کش بمبار نے بھی خود کو اڑا لیا۔افغان وزارت داخلہ کے مطابق دونوں دھماکوں میں مجموعی طور پر 20 افراد ہلاک اور 60 کے قریب زخمی ہوئے۔افغان حکام کے مطابق ہلاک ہونے والوں میں امدادی کارکن بھی شامل ہیں۔