ممبئی(نیوز ڈیسک) بالی ووڈ اداکار رنبیر کپور نے کہا ہے کہ ان کا دل صرف مادھوری ڈکشٹ کیلئے دھڑکتا ہے۔ میڈیا سے گفتگو کرتے ہوئے رنبیر کپور نے کہا کہ میرے ساتھ فلموں میں کام کرنے والی اداکارائیں صرف میری ساتھی اداکارائیں ہیں اور میں اس سے زیادہ انہیں کچھ نہیں سمجھتا۔ انہوں نے کہا کہ میرا دل صرف ایک خاتون کیلئے دھڑکتا ہے اور وہ ہے مادھوری ڈکشٹ۔ انہوں نے کہا کہ مادھوری کیساتھ فلم ”یہ جوانی ہے دیوانی” میں آئیٹم سونگ کرکے میرا بچپن کا خواب پورا ہوگیا ہے۔ انہوں نے کہا کہ میں مادھوری کیساتھ کام کرکے خود کو خوش قسمت محسوس کرتا ہوں۔ انہوں نے کہا کہ میں اب فلموں میں منفرد طرز کے کرداروں کا خواہاں ہوں۔