اسلام آباد (نیوز ڈیسک)مس ارتھ برطانوی نڑاد پاکستانی صنوبر حسین لاہور آگئیں۔اپنی آمد پر انہوں نے کہا کہ لاہور سے بے پناہ پیار ہے۔انہوں نے کہا کہ عاطف اسلم، علی ظفر اور راحت فتح علی خان بے پناہ پسند ہیں۔ مس ارتھ کا مقابلہ جیتنے والی برطانوی نڑاد پاکستانی ماڈل صنوبر حسین نے کہا کہ انہوں نے یہ مقابلہ پاکستان میں عورتوں کے حقوق کے لئے لڑا تھا کیونکہ وہ سمجھتی ہیں کہ عورت کو ہر وہ حق حاصل ہے جس میں وہ اپنے آپ کو آزاد تصور کرسکے۔ صنوبر نے کہا ہے کہ انہیں لاہور بے پناہ پسند ہے ان کے والدین پاکستانی کشمیری ہیں لیکن ان کی پیدائش لندن میں ہوئی اب ان کا لاہور آنا جانا لگا رہے گا کیونکہ وہ لاہوریوں سے بے حد متاثر ہیں۔