برسلز(انٹرنیشنل ڈیسک)بیلجیئم کی پولیس نے بتایاہے کہ یورپی ملک بیلجیم میں ایک گھر سے تین بچوں کی لاشیں ملی ہیں۔ مقامی میڈیا کے مطابق بچوں کو قتل کرنے کے بعد ان کی والدہ نے بھی خودکشی کرنے کی کوشش کی تھی۔ بچوں کی تیس سالہ ماں زخمی حالت میں اس

وقت ہسپتال میں زیر علاج ہے۔ امدادی کارکنوں کے مطابق اس زخمی خاتون نے انہیں بتایا کہ اس نے گزشتہ شب اپنے بچوں کو قتل کیا۔ ہلاک ہونے والوں میں سے ایک چار سالہ بچی تھی، دوسرا ایک دو سالہ لڑکا اور تیسرا دو ماہ سے بھی کم عمر کا ایک شیرخوار بچہ ہے ۔