قاہرہ(انٹرنیشنل ڈیسک)مصری حکومت نے فلسطینی حجاج کرام کی وطن واپسی کے لیے رفح گذرگاہ کھول دی ہے۔ رفح گذرگاہ اگلے تین ستمبر تک کھلی رہے گی۔مصر کے سرکاری ٹیلی ویڑن کے مطابق رفح گذرگاہ کو 27 اگست سے 31 اگست اور یکم ستمبر سے 3 ستمبر تک کھلی رکھی جائے گی۔مصری ٹی وی کے مطابق حجاج کرام کا غزہ

کی پٹی کی طرف واپسی کا سفر شروع ہوگیا ہے۔ اگلے پانچ روز تک غزہ کی پٹی سے تعلق رکھنے والے حجاج کرام مصر کیراستے رفح گذرگاہ سے غزہ داخل ہوں گے۔ہفتے کے روز فلسطینی بارڈر حکام نے کہا تھا کہ رفح گذرگاہ کو اتوار کے روز سے کھول دیا جائے گا۔ رفح گذرگاہ کو عید کی تعطیلات کے دوران دو طرفہ آمد ورفت کے لیے بند کردیا گیا تھا۔

موضوعات:فلسطین،اسرائیل،رفح کراسنگ،حجاج کرام ،غزہ