ممبئی (نیوز ڈیسک) بالی ووڈ اداکار شاہدکپور نے فلم نگری میں 12سال مکمل ہونے پر مداحوں کا شکریہ ادا کیا۔ سماجی میل جول کی ویب سائٹ ٹوئٹر پر ایک پیغام میں انہوں نے کہا کہ میرے فلم انڈسٹری میں 12سال مکمل ہوگئے ہیں۔ اس عرصے کے دوران میں نے بہت کچھ سیکھا اور مداحوں کے پیار اور سپورٹ کی وجہ سے میں آج اس مقام پر ہوں ، انہوں نے مداحوں کا شکریہ ادا کرتے ہوئے کہا کہ وہ اپنی محبت اور چاہتوں کا سلسلہ جاری رکھیں۔ واضح رہے کہ شاہد کپور نے فلم “ عشق و شق” سے اپنے فنی کیریئر کا آغاز کیا اور بہترین اداکاری پر متعدد ایوارڈز بھی اپنے نام کئے۔