مقبوضہ بیت المقدس(انٹرنیشنل ڈیسک)اسرائیل نے کہا ہے کہ وہ غزہ کی پٹی اور غرب اردن میں لوگوں کی آمد و رفت کے لیے استعمال ہونے والی گذرگاہ ایریز کو کھولنے کی تیاری کررہا ہے۔غیرملکی خبررساں ادارے کے مطابق اسرائیلی وزیر دفاع آوی گیڈور لائبرمین نے کہا کہ شمالی غزہ کی سرحد پر بنائی گئی ایریز گذرگاہ

کو ایک ہفتے تک بند رکھنے کے بعد کھولنے کا فیصلہ کیا گیا ہے۔ان کا کہنا تھا کہ ایریز گذرگاہ جسے لوگوں کی آمد ورفت کے لیے استعمال کیا جاتا ہے کو جلد ہی کھول دیا جائے گا۔خیال رہے کہ اسرائیل نے ایریز گذرگاہ کو 19 اگست کو غزہ کی سرحد پر پرتشدد احتجاج جاری رہنے کے خلاف غیرمعینہ مدت کے لیے بند کردی تھی۔

موضوعات:اسرائیل،فلسطین،ایریز کراسنگ،غزہ