اسلام آباد(مانیٹرنگ ڈیسک) اٹل بہاری واجپائی کی راکھ دریا برد کرنے کے دوران کشتی الٹ گئی جس میں وزیر مملکت، 4 ارکان پارلیمنٹ اور یو پی کی ریاستی اسمبلی کے4 ارکان سمیت 17 افراد سوار تھے تاہم تمام افراد کو بچالیا گیا۔عالمی میڈیا کی رپورٹس کے مطابق واقعہ یو پی کے علاقے ”بستی“ کے دریا کوانو میں پیش آیا، بی جے پی یو پی
کے سابق سربراہ رام پتی رام ترپاٹھی پھولوں سے لدی کشتی پر راکھ لے کر گئے اور اسے دریا کی نذر کیا ،جب بڑی تعداد میں لوگوں نے کشتی میں سوار ہونے کی کوشش کی تو کشی زیادہ وز ن کے باعث الٹ گئی جس کی وجہ سے اس میں سوار پولیس اہلکاروں نے پانی میں چھلانگ لگا دی تا کہ سینئر لیڈرز نہ گریں ۔ کشتی کنارے کے کے قریب ہی تھی جب یہ واقع پیش آیا جس کے باعث تمام افراد کو فوری بحفاظت نکال لیا گیا ہے۔
