کراچی (نیوز ڈیسک)ماضی میں وہی فلمیں اپنے عروج تک پہنچیں جن کی ریہرسلز ہوئیں اور انہی ریہرسلز کی بنا پر آج بھی انہیں یاد رکھا جاتا ہے ،یعنی کسی بھی فلم کی کامیابی کا دارومدار اس کی ریہرسلز پر ہوتا ہے۔ان خیالات کا اظہار اداکارہ و ماڈل نساءجبیں نے نمائندہ نجی ٹی وی سے گفتگو کرتے ہوئے کیا ، انہوں نے بتایا کہ میں نے فلم “ہوٹل” میں اہم کردار ادا کیا ہے مجھے پوری امید ہے کہ شائقین فلم دیکھنے کے بعد میری پرفارمنس کو پسند کرینگے۔ انہوں نے مزید کہا کہ اس فلم میں ساتھی فنکاروں سے بہت کچھ سیکھنے کو ملا جبکہ ڈائریکٹر نے جس طرح رہنمائی کی اور سین پکچرائز کیے وہ میری زندگی کا ایک حصہ بن گئے ہیں اسی طرح اسسٹنٹ ڈائریکٹرطلال فرحت نے بھی بہت رہنمائی کی۔ انہوں نے مزید کہا کہ اچھی کہانی اور اچھی ٹیم کے ساتھ کام کرنا ہر کسی کا خواب ہوتا ہے میں نے صرف اسی لیے ان کے ساتھ کام کیا کیونکہ مجھے ان میں یہ ساری خصوصیات نظر آئیں۔