اسلام آباد(مانیٹرنگ ڈیسک)مسجد حرام میں عراقی شہری نے چھت سے مطاف میں چھلانگ لگا کر خودکشی کر لی، زد میں آکر دو حاجی شدید زخمی۔ تفصیلات کے مطابق گزشتہ روز صبح کے وقت عراقی شہری جس کی پہچان حسین حمید الحیدری کے نام سے ہوئی نےمسجد الحرام کی چھت سے مطاف میں چھلانگ کر خودکشی کر لی ہے ۔ عراقی حج مشن نے تصدیق کردی ہے۔ ترجمان حسن فہد الکنانی کے مطابق حاجی

حسین حمید الحیدری کا سال پیدائش 1975ءہے۔ اس نے نامعلوم اسباب کے تحت خودکشی کی۔عرب میڈیا رپورٹس کے مطابق حسین حمید الحیدری نے جمعہ کی صبح 8بجے کے قریب مسجد الحرام کی چھت سے کعبہ کے ساتھ موجود مطاف میں چھلانگ لگائی جس کی زد میں آکر دو حاجی بھی شدید زخمی ہوگئے ہیں۔ حسین حمید الحیدری کو فوری طور پر اسے ہسپتال منتقل کیا تاہم وہ زخموں کی تاب نہ لاتے ہوئے چل بسا۔