اسلام آباد(آن لائن)خاتون اول بشریٰ بی بی نے کہا ہے کہ اللہ پاک نے ہم پر ملکی بھاری ذمہ داری عائد کی ہے اس لئے ڈری ہوئی ہوں ۔ اقتدار آنی جانی چیز ہے پروا نہیں ۔ ان خیالات کا اظہار نو منتخب وزیر اعظم عمران خان کی اہلیہ بشریٰ بی بی نے نجی ٹی وی چینل سے گفتگو کے دوران کیا ۔انہوں نے کہا کہ آج میں خوش نہیں بلکہ ڈری ہوئی ہوں کیونکہ اقتدار تو آنی جانی چیز ہے اس کی کوئی پروا نہیں ہے لیکن اللہ پاک نے ہم پر ملک کی بھاری ذمہ داری عائد کی ہے ۔انہوں نے کہا

کہ عمران خان کا مقصد ملک سے غربت کا خاتمہ اور صحت و تعلیم کے نظام کو بہتر کرنا ہے ۔ اب ہمیں عوام نے منتخب کیا ہے تو انشاء اللہ اللہ کے فضل و کرم سے عوام کی توقعات پر اتریں گے ۔ایک سوال کے جواب میں بشریٰ بی بی نے کہا کہ عمران خان نے عام درزی سے شیروانی سلوائی تھی اس کے لئے کوئی خاص قسم کا اہتمام نہیں ہوا تھا انہوں نے مزید کہا کہ ہمارا مقصد دن رات کام کر کے قوم و ملک کی ترقی ہے تاکہ ہم عوام کی امنگوں پر پورا اتر سکیں ۔