راولپنڈی(آن لائن) مسلم لیگ(ن) کے چیئرمین راجہ ظفر الحق کو دل کی تکلیف کے باعث انسٹی ٹیوٹ آف کارڈیالوجی راولپنڈی میں منتقل کیا گیا جہاں ڈاکٹر نے ان کی انجیو پلاسٹی کی اور دل کا ایک والو ڈالا ۔جمعرات کے روز مسلم لیگ(ن) کے چیئرمین راجہ ظفرالحق کی اچانک طبیعت خراب ہونے اور دل میں تکلیف ہونے کے باعث انہیں

راولپنڈی کے انسٹی ٹیوٹ آف کارڈیالوجی میں منتقل کیا گیا ۔ میجر جنرل اظہر کیانی نے راجہ ظفر الحق کا طبی معائنہ کرنے کے بعد ان کی انجیو پلاسٹی کی اور دل کا ایک والو ڈالا ۔ ہسپتال انتظامیہ کے مطابق راجہ ظفر الحق کی طبیعت بہتر اور ان کو انجیوپلاسٹی کے بعد کچھ دیر ہسپتال میں رکھنے کے بعد گھر منتقل کر دیا گیا ۔

موضوعات:راجہ ظفر الحق