کراچی (آن لائن)تحریک انصاف کے نو منتخب رکن صوبائی اسمبلی ڈاکٹر عمران شاہ نے سڑک پر سرعام شہری کو تشدد کا نشانہ بنا ڈالا اور اس پر تھپڑوں کی بارش کر دی تفصیلات کے مطابق تحریک انصاف کے رکن صوبائی اسمبلی ڈاکٹر عمران شاہ نے سڑک پر شہری کو تشدد کا نشانہ بنایا اور اس پر ایک ساتھ 12 تھپڑ برسا دئیے تاہم بعد میںا نہوں نے اس واقعے پر غیر مشروط معافی بھی مانگ لی۔ اس معاملے پر اپنے موقف دیتے ہوئے ڈاکٹر عمران شاہ نے کہا کہ

متاثرہ شہری ایک گاڑی والے کو مسلسل تنگ کر رہا تھا منع کرنے پر شہری نے ان کو گالیاں دیں اور دھکا دیا، جواباً انہوں نے بھی شہری کو دھکا دیا۔ انہوں نے کہا کہ اس واقعہ سے اگر کسی کو تکلیف پہنچی ہے تو میں معذرت خواہ ہوں۔دوسری جانب تحریک انصاف نے شہری سے الجھنے کے معاملے پر ڈاکٹر عمران شاہ کو شوکاز نوٹس جاری کرتے ہوئے ان سے وضاحت طلب کر لی ہے ۔ ڈاکٹر عمران شاہ پی ایس129سے تحریک انصاف کے ٹکٹ پر رکن سندھ اسمبلی منتخب ہوئے ہیں۔