اسلام آباد( نیوز ڈیسک ) 15ویں قومی اسمبلی کے پہلے اجلاس کے پہلے دن پیپلز پارٹی ، مسلم لیگ(ن) اور تحریک انصاف کے درمیان نعرہ بازی کا زبر دست مقابلہ ہوا ، تاہم مسلم لیگ (ن) نعرہ بازی کی جنگ میں جیتتی ہوئی نظر آئی ،پیپلز پارٹی نے نعرہ بھٹو، تحریک انصاف نے وزیر اعظم عمران خان اور مسلم لیگ(ن) نے دیکھو دیکھو کون آیا شیر آیا شیر آیا کے نعرے لگائے ۔تفصیلات کے مطابق پندرہویں قومی اسمبلی کے پہلے اجلاس کے پہلے دن تینوںبڑی سیاسی جماعتوں نے زبر دست نعرہ بازی کی ، نعرہ بازی کی ابتداء پیپلز پارٹی

کی رکن شگفتہ جمانی نے آصف علی زرداری کا نام اراکین کی فہرست پر پر دستخط کے لئے پکارے جانے پر کی ، شگفتہ جمانی نے نعرہ بھٹو کا نعرہ لگایا ، بعد میں بلاول بھٹو کا نام پکارے جانے پر بھی شگفتہ جمانی نے یہی نعرہ لگایا جس پر ان کی جماعت کے ارکان نے ان کا بھر پور ساتھ دیا ، پاکستان تحریک انصاف کے چیئرمین عمران خان کا نام پکارے جانے پر تحریک انصاف نے ان کے حق میں بھر پور نعرہ بازی کی ا ور وزیر اعظم عمران خان کے نعرے لگائے ،تاہم نعرہ بازی کی جنگ میں مسلم لیگ (ن) کامیاب ہوتی دکھائی دی ۔