لاہور(آئی این پی) پنجاب اسمبلی نے ملکی تاریخ میں نیا ریکارڈ قائم کردیا‘دو سگی بہنیں خدیجہ عمر فاروقی اور رابعہ فاروقی 2مختلف پارٹیوں سے رکن اسمبلی منتخب ہوگئیں۔تفصیلات کے مطابق پنجاب اسمبلی کا اجلاس 15 اگست کو ہوگا جس میں نو منتخب اراکین اسمبلی اپنی رکنیت کا حلف اٹھائیں گے، نئی اسمبلی میں

جہاں بہت سے ایسے اراکین ہیں جو متعدد بار اسمبلی کا حصہ بن چکے ہیں وہیں دو سگی بہنیں بھی اپنی رکنیت کا حلف اٹھائیں گی، جن میں مسلم لیگ (ق)کی خدیجہ عمر فاروقی چوتھی بار اسمبلی کا حصہ بننے جارہی ہیں جبکہ ان کی چھوٹی بہن رابعہ فاروقی مسلم لیگ (ن)کی مخصوص نشست سے اپنی رکنیت کا حلف اٹھائیں گی۔