اسلام آباد(مانیٹرنگ ڈیسک)پی ٹی آئی رہنما سینیٹر فیصل جاوید نے کہا ہے کہ تحریک انصاف اپنے 100 دن کے ایجنڈے پر فوکس کرے گی۔غربت کا خاتمہ اور ملک کو ترقی کی راہ پر گامزن کرنے کیلئے ہترین مواقع فراہم کئے جائیں گے۔ نجی ٹی وی پروگرام میں اظہار خیال کرتے ہوئے انہوں نے کہا کہ وزیراعظم کی تقریب حلف برداری بہت سادہ ہوگی، 1992 کے سپر اسٹارز کو تقریب میں شرکت کی دعوت دی ہے۔
سابق بھارتی کرکٹرز سنیل گواسکر، کپل دیو اور سدھو کو بھی مدعو کیا گیا ہے۔ انہوں نے کہا کہ عمران خان منسٹر انکلیو میں رہیں گے۔ عمران خان کو اچھی ٹیم بنانی آتی ہے، عمران خان جو ٹیم بنائیں گے وہ بہترین کارکردگی دکھائے گی۔واضح رہے کہ وزیر اعظم کی تقریب حلف برداری 18 اگست کو ہوگی جس میں سابق بھارتی کرکٹرز کپل دیو اور نوجوت سدھو بھی شرکت کرینگے۔
