کراچی(نیوزڈیسک)تحریک انصاف کو ووٹ دیا تو تمہارا کیا حشر کریںگے؟معروف کرکٹر عمران نذیر کو سنگین نتائج کی دھمکیاں،افسوسناک انکشافات، تفصیلات کے مطابق معروف پاکستانی کرکٹر عمران نذیر نے انکشاف کیا ہے کہ میں نے جب سے تحریک انصاف کو ووٹ دینے کا اعلان کیا ہے اس کے بعد سے مجھے دھمکیاں موصول ہورہی ہیں ، نامعلوم فون نمبرز سے مجھے دھمکی آمیز فون کالز کی جارہی ہیں،

انہوں نے کہا کہ وہ نہیں جانتے کہ دھمکی آمیز فون کالز کرنے والے کون لوگ ہیں اور انہیں تحریک انصاف کو ووٹ دینے سے کیوں منع کررہے ہیں ، انہوں نے بتایا کہ انہوں نے اور ان کے اہل خانہ نے ووٹ دے دیا ہے اور بلے پر ہی مہر لگائی ہے عمران نذیر نے ووٹ ڈالنے کے بعد ایک تصویر بھی شیئر کی اور بتایا کہ انہوں نے اپنا قومی فریضہ اداکردیا ہے ۔‎