لندن(آئی این پی )عالمی باکسر عامر خان نے دیامر بھاشا اور مہمند ڈیم کیلئے 10لاکھ روپیہ عطیہ کرنے کا اعلان کرتے ہوئے کہا ہے کہ میں اپنی فائٹ کے بعد ڈیمز کیلئے مزید فنڈ دوں گا ۔ اتوار کو باکسر عامر خان نے دیامر بھاشا اور مہمند ڈیم کیلئے 10لاکھ روپیہ عطیہ کرنے کا اعلان کردیا۔ انہوں نے کہا کہ اپنی فائٹ کے بعد ڈیمز کیلئے مزید فنڈ دوں گا ۔اس سے قبل پاکستان فرنیچر کونسل نے دیامر بھاشا
اور مہمند ڈیم کی تعمیر کے دس لاکھ روپے فنڈ میں جمع کرانے کا اعلان ،سیکرٹری پی ایف سی (آج) پیر کو سی ای او میاں محمدکاشف اشفاق کی طرف سے بینک میں ایک ملین روپے کا چیک جمع کرائیں گے۔ تفصیلات کے مطابق پاکستان فرنیچر کونسل (پی ایف سی)کے چیف ایگزیکٹو میاں محمد کاشف اشفاق نے ڈیموں کی تعمیر کے لیے فنڈز جمع کرنے کے چیف جسٹس میاں ثاقب نثار کے اقدام کو ایک عظیم فیصلہ قرار دیتے ہوئے دیامر بھاشا اور مہمند ڈیم کی تعمیر کے لیے پیایف سی کی طرف سے دس لاکھ روپے جمع کرانے کا اعلان کیا ہے۔ سیکرٹری پی ایف سی عاقل سردار (پیرکو) بورڈ آف ڈائریکٹرز اور سی ای او میاں محمدکاشف اشفاق کی طرف سے بینک میں ایک ملین روپے کا چیک جمع کرائیں گے
