لاہور (مانیٹرنگ ڈیسک) پاکستان مسلم لیگ ن کے صدر اور سابق وزیراعلیٰ پنجاب شہباز شریف نے سابق وزیراعظم نواز شریف اور ان کی صاحبزادی مریم نواز کی تیرہ جولائی کو وطن واپسی پر پارٹی کے لاکھوں کارکنوں کو لاہور پہنچنے کی کال دیدی ہے یہ کال انہوں نے گزشتہ روز ماڈل ٹاؤن میں اپنی صدارت میں منعقدہ پارٹی کے اعلیٰ سطحی اجلاس میں دی جس میں ملک بھر سے پاکستان مسلم لیگ ن کی تنظیموں سمیت بلدیاتی نمائندگان سے کہا گیا ہے کہ وہ تیرہ جولائی کو کم از کم اپنے ہمراہ دس دس افراد لیکر لاہورپہنچیں۔
پاکستان مسلم لیگ ن کا اعلیٰ سطحی اجلاس جس میں سابق وفاقی وزیر ریلوے خواجہ سعد رفیق ،سابق صوبائی وزیر خواجہ عمران نذیر،پرویز ملک ،حمزہ شہباز شریف اور دیگر رہنماؤں نے شرکت کی۔ اجلاس سے خطاب کرتے ہوئے شہباز شریف کا کہنا تھا کہ سابق وزیراعظم نواز شریف کی لندن میں اپنی بیمار اہلیہ کے باعث نواز شریف لندن میں مقیم تھے جنہوں نے انتہائی مجبور میں وطن لوٹنا پڑا انہوں نے کہا کہ نواز شریف اپنے لئے نہیں بلکہ ملک کیلئے وطن واپس آرہے ہیں ان کا لاہور پہنچنے پر بھرپور استقبال کیا جائے انہوں نے پنجاب کی نگران حکومت پر واضح کیا کہ پاکستان مسلم لیگ ن کے کارکنان اور رہنماء اپنے قائد کا استقبال کرنے کیلئے لاہور میں اکٹھے ہونگے پارٹی کارکنوں کا ارادہ اپنے قائد کا پرامن استقبال کرنے کا ہے انہوں نے کہا کہ اگر پولیس یا ضلعی انتظامیہ نے پاکستان مسلم لیگ ن کے ایک کارکن سے بھی زیادتی کی تو ذمہ دار افسر کو معاف نہیں کیا جائیگا انہوں نے کہا کہ ہم پرامن رہنا چاہتے ہیں اور اپنے قائد کا پرامن استقبال کرنا چاہتے ہیں۔
