کارڈف(مانیٹرنگ ڈیسک)انگلینڈ کے خلاف دوسرے ٹوئنٹی 20 میچ میں اوٹ پٹانگ انداز میں رن آٹ ہونے والے شیکھر دھون پر انگلیاں اٹھنے لگیں۔روہت شرما کے صرف 5 رنز پر پویلین جانے کے بعد مہمان سائیڈ کو اپنے دوسرے اوپنر سے بھی ہاتھ دھونا پڑے، انھوں نے پہلے لیام پلنکٹ کی گیندکو پل کرنا چاہا۔
اور ناکامی پر سنگل کیلیے دوڑے،گیند پر نظریں ٹکائے ہونے کی وجہ سے رفتار سست تھی،صورتحال اس وقت اور خراب ہوگئی جب کریز عبور کرنے کے دوران بیٹ ہی ہاتھ سے چھوٹ گیا، دھون کو اس انداز میں اوٓٹ ہونے پر سوشل میڈیا پر شائقین نے خوب برا بھلا کہا جبکہ بعض نے اسے مشکوک بھی قرار دیا۔
