کراچی(مانیٹرنگ ڈیسک) قومی کرکٹ ٹیم کے سابق کپتان جاوید میاندادنے پاکستان تحریک انصاف کے رہنما علی زیدی کو پان کا تحفہ اور اپنے ہاتھ سے پان کھلایا، الیکشن میں پی ٹی آئی کی جیت کے لیے نیک تمناں کااظہار کیا اور کہا کہ میں نے شارجہ میں بھارت کیخلاف پان کھا کر چھکا مارا تھا۔ تفصیلات کے مطابق سابق کپتان جاوید میانداد نے تحریک انصاف کے رہنمااور حلقہ این اے 244 کے امیدوار علی زیدی کو پان کا تحفہ دیااور انہیں اپنے ہاتھ سے پان کھلایا۔ اس موقع پرجاوید میانداد نے 1986 میں
ماراگیا اپنا تاریخی چھکا یاد کرتے ہوئے کہا میں نے شارجہ میں بھارت کے خلاف پان کھاکر چھکا مارا تھا۔جاوید میانداد نے علی زیدی کو پان دیتے ہوئے کہا کہ میری طرف سے یہ ایک پان آپ کے لیے اورایک پان خان صاحب کے لیے۔ اس کے ساتھ ہی سابق کپتان نے پی ٹی آئی کی الیکشن میں کامیابی کے لئے نیک تمناں کا اظہارکیا۔رہنما پی ٹی آئی علی زیدی نے کہا جاوید میانداد نے مجھے اپنے ہاتھوں سے تیار کیا ہوا پان کھلایا اس کے علاوہ ایک اور پان بناکر مجھے دیااور کہایہ میرے بھائی عمران خان کو کھلانا۔
