میرپور خاص (مانیٹرنگ ڈیسک) پاکستان پیپلز پارٹی کی سابق وزیر شازیہ مری نے ووٹر کو سوالات کی بوچھاڑ کرنے پر انتہائی نتائج کی دھمکیاں دے ڈالیں، ایک نجی ٹی وی چینل کی رپورٹ کے مطابق شازیہ مری جب اپنے حلقے این اے 216 پہنچیں تو ان کا باقاعدہ اچھے طریقے سے استقبال کیا گیا ان پر پھولوں کی پتیاں بھی نچھاور کی گئیں لیکن اس سب کے بعد جب یہاں کے ووٹرز نے اپنی شکایات ان کے سامنے پیش کیں

اور ان پر سوالات کی بوچھاڑ کر دی تو وہ مشتعل ہو گئیں، جب شازیہ مری نے اپنے کام گنوائے کہ میں نے آپ کے حلقے میں یہ یہ کام کیے ہیں تو ووٹرز نے مزید سوالات شروع کر دیے جس پر شازیہ مری انہیں دھمکیاں دینا شروع ہو گئیں اوراس طرح کے لہجے میں بات کرنے پر انہیں جاہل اور گنوار تک کہہ ڈالا، شازیہ مری کے اس رویے پر ووٹرز نے کہاکہ ہم آپ کو ووٹ نہیں دیں گے آپ جو مرضی کر لیں۔