لاہور (نیوز ڈیسک) لاہور ہائیکورٹ نے سابق وفاقی وزیر عابد شیر علی کے بھائی عمران شیر علی کو پی پی 117 فیصل آباد سے الیکشن لڑنے کے لیے نااہل قرار دے دیا عدالت نے الیکشن ٹربیونل کا فیصلہ بحال رکھتے ہوے اپیل خارج کر دی۔تفصیلات کے مطابق لاہورہائیکورٹ کے جسٹس سید مظاہر علی اکبر نقوی کی سربراہی میں دو رکنی بنچ نے عمران شیر علی کی درخواست پر سماعت کی درخواست گزار وکیل نے موقف اختیار کیا کہ ٹربیونل نے ریٹرننگ افسر کا کاغذات نامزدگی منظور کرنے کا فیصلہ

کالعدم قرار دیا ہے جبکہ سوئی گیس کے بقایاجات ادائیگی کے باوجود ٹربیونل نے حقائق کے برعکس کاغذات مسترد کیے ہیں۔درخواستگزار وکیل نے اعتراض اٹھایا کہ ایپلٹ ٹربیونل نے حقائق کے برعکس کاغذات نامزدگی مسترد کرتے ہوئے الیکشن لڑنے سے روک دیا ہے۔درخواستگزار نے عدالت سے استدعا کی کہ عدالت ایپلٹ ٹربیونل کا فیصلہ کالعدم قرار کر الیکشن لڑنے کی اجازت دے۔عدالت نے اپیلٹ ٹربیونل کا فیصلہ بحال رکھتے ہوئے اپیل خارج کر دی ہے اور الیکشن لڑنے سے روک دیا ہے۔