اسلام آباد(نیوز ڈیسک)سپریم کورٹ میں این آر او سے فائدہ اٹھانے سے متعلق کیس کی سماعت، سپریم کورٹ نے سابق صدر پرویز مشرف، آصف زرداری اور سابق اٹارنی جنرل ملک قیوم سے بیرون ملک اثاثوں کی تفصیلات طلب کر لیں، چیف جسٹس کہتے ہیں میرے زہن میں ایک ہزار لوگ ہیں جن سے تمام تفصیلات لیں گے، ہم نے ڈیم بنانے ہیں اور ملک کا قرضہ اتارنا ہے،

بدھ کے روز چیف جسٹس کی سربراہی میں تین رکنی بنچ نے این آر او سے فائدہ اٹھانے سے متعلق کیس کی سماعت کی، چیف جسٹس نے ریمارکس دیے کہ لوگوں نے ایمنسٹی اسکیم میں پیسہ وائٹ کرلیا ہے، لوگوں کے باہر کوئی اثاثے نہیں اس سے متعلق سپریم کورٹ کو اعتماد میں لیں، سپریم کورٹ کو اعتماد میں لینے میں کیا مسئلہ ہے؟ عدالت کو بتائیں پاکستان سے باہر آپکی اور بچوں کی کوئی پراپرٹی ہے یا نہیں، فاروق ایچ نائیک نے بتایا کہ جہاں تک آصف زرداری کا تعلق ہے تو وہ الیکشن لڑ رہے ہیں اور انہوں نے کاغزات نامزدگی جمع کروائے ہیں، کاغذات نامزدگی کے ساتھ دیئے گئے بیان جبکہ آصف زرداری نے جواب بھی جمع کروا دیا ، میرے موکل آٹھ مختلف مقدمات میں باعزت بری ہوئے ہیں، چیف جسٹس نے کہا کہ جو بڑے یہ سمجھتے ہیں وہ پکڑے نہیں جائیں انہیں ڈھونڈ نکالیں گے،میرے زہن میں ایک ہزار لوگ ہیں جن سے تمام تفصیلات لیں گے، ہم نے ڈیم بنانے ہیں اور ملک کا قرضہ اتارنا ہے، عدالت نے سابق صدر پرویز مشرف، آصف زرداری سے بیرون ملک اثاثوں کی تفصیلات طلب کر لیں، سابق اٹارنی جنرل ملک قیوم بھی اثاثوں کی تفصیلات فراہم کرنے کا حکم دے دیا، عدالت نےآفشور کمپنیاں ظاہر کرنے اور تمام فریقین کو بیان حلفی سپریم کورٹ میں جمع کرانے کا حکم بھی دے دیا ، جبکہ عدالت نے پرویز مشرف کو جواب جمع کروانے کیلئے دو ہفتوں کی مہلت دیتے ہوئے کیس کی سماعت 7 اگست تک ملتوی کر دی ہے ۔