ڈیرہ مراد جمالی (آن لائن )نصیرآباد کی حلقہ این اے 260اور صوبائی اسمبلی کی دو نشتوں میں امیدواروں نے الیکشن کمیشن آف پاکستان کے صابطہ اخلاق کی دھجیاں اڑا دی گئیں الیکشن سے ایک ماہ قبل امیدواروں نے ہزاروں قیمتی گاڑیاں تین سے چھ ہزار روپے یومیہ کرایہ پر حاصل کرکے ملوں گھروں بنگلوں گوداموں میں خفیہ طور پر چھپا دی گئی جن کا کرایہ کروڑوں روپے بتایا گیا ہے
نصیرآباد میں کرایہ کی گاڑیوں کی قیمتیں آسمان سے باتیں کرنے لگی عام مسافر رل گئے تفصیلات کے مطابق الیکشن کمیشن آف پاکستان جہاں وضع کیئے گئے ضابطہ اخلاق کے مطابق بینرز وال چاکنگ پر عمل درآمد کرانے کیلئے ٹھوس اقدامات کر رہی ہے دوسری جانب نصیرآباد کی حلقہ این اے 260اور صوبائی اسمبلی کی دو نشتوں پر امیدواروں نے الیکشن کمیشن آف پاکستان کے صابطہ اخلاق کیخلاف ورزیاں کرتے ہوتے الیکشن سے ایک ماہ قبل امیدواروں نے کوئٹہ قلعہ سیف اﷲ قلعہ عبداللہ ڈیرہ بگٹی سندھ پنجاب سے ہزاروں کی تعداد میں قیمتی گاڑیاں تین سے چھ ہزار روپے یومیہ کرایہ پر حاصل کرکے اپنی ملوں گھروں بنگلوں گوداموں میں خفیہ طور پر چھپا دی گئی معتبرر ذرائع کے مطابق جن کا ماہانہ کرایہ کروڑوں روپے بتایا گیا ہے جبکہ ڈیزل پیڑول اور ڈرائیوروں کا کھانا پینا الگ ہے گاڑیوں کے چھپا نے سے نصیرآباد میں کرایہ کی گاڑیوں کی قیمتیں آسمان سے باتیں کرنے لگی ہیں گاڑیاں ناپید ہونے لگی ہیں جس کی وجہ سے عام مسافر رل گئے ہیں عوامی حلقوں نے الیکشن کمیشن آف پاکستان کی ضابطہ اخلاق کی خلاف ورزیوں کا فوری نوٹس لینے کا مطالبہ کیا ہے ۔
