سرگودھا(نیوز ڈیسک) تحریک انصاف کے سربراہ عمران خان نے سرگودھا میں ناراض راہنماؤں سے ٹکٹ نہ دینے پر معذرت کی،ممتاز کاہلوں سمیت دیگر ناراض کارکن آزاد حیثیت سے الیکشن نہ لڑیں،کوشش کرینگے کے بعد میں ایڈجسٹ کرلیں۔عمران خا ن نے کہاکہ اگلا الیکشن آسان نہیں، ن لیگ پانچ سال سے حکومت میں بیٹھی ہوئی تھی اس لیے الیکشن آسان نہ سمجھیں۔ انہوں نے کہاکہ امیدوار ریلیاں نکالیں اور
بھرپور انداز میں مہم چلائیں نظریاتی کارکنوں کی ہماری پارٹی میں بہت اہمیت ہے۔ عمران خان نے کہاکہ ن لیگ نے ملک کر بیڑا غرق کردیاڈالر جب بھی مہنگا ہوتا ہے اس کا اثر براہ راست غریب آدمی پر ہوتا ہے ن لیگ کی ناقص پالیسوں سے ڈالر مہنگا ہوا۔ عمران خان نے اپنے دورہ میں سب سے پہلے پیر آف سیال سے ملاقات کی جس کے بعد دربار پر حاضری دی اور بعد میں کارکنوں سے خطاب کیا۔
