ممبئی (نیوز ڈیسک )بھارتی اداکارہ سونم کپور نے کہا ہے کہ نمبر ون اداکارہ بننے کی کوئی خواہش نہیں، ایسی فلموں کا انتخاب کروں گی جن میں بطور پرفارمر مطمئن ہو سکوں۔ میڈیا سے گفتگو کرتے ہوئے سونم نے کہا کہ دو سال پہلے میں نے جو دو فلمیں کیں ان سے میں اپنا راستہ کھو بیٹھی۔ انہوں نے کہا کہ یہ فلمیں کرنے کے بعد مجھے احساس ہوا کہ یہ میرا راستہ نہیں ہے اور میں اس پر چل کر کبھی بھی مطمئن نہیں ہوسکتی۔ انہوں نے یواین پی سے کہا کہ میں تو نمبر ون کی دورڑ میں شامل ہوں اور نہ ہی نمبر ون بننا چاہتی ہوں بلکہ میں صرف ایسی فلمیں کرنا چاہتی ہوں جن سے مجھے اپنے آرٹسٹ ہونے کا احساس ہو۔ انہوں نے کہا کہ خواہ یہ کوئی بڑے پراجیکٹ نہ ہوں اور نہ ہی بڑے ڈائریکٹر یا پروڈیوسروں کی فلمیں ہوں بس ان میں میرا کردار اچھا ہونا چاہیے۔