ہرارے (مانیٹرنگ ڈیسک) سہ ملکی ٹی ٹوئنٹی سیریز کے پہلے میچ میں زمبابوے نے پاکستان کے خلاف ٹاس جیت کر فیلڈنگ کا فیصلہ کرلیا۔ ہرارے اسپورٹس کلب میں کھیلے جانے والے سیریز کے پہلے میچ میں پاکستان کی زمبابوے کے خلاف محتاط انداز میں بیٹنگ جاری ہے۔ جہاں پاکستان نے 14 اوورز کے اختتام تک 117 رنز بنا لیے اور اس کے 3 کھلاڑی آؤٹ ہوگئے۔ پاکستان کی جانب سے فخر زمان 59 رنز بنا کر ناٹ آؤٹ ہیں ۔جبکہ محمد حفیظ 7، حسین طلعت 10 اور کپتان سرفراز احمد 16 رنز بنا کر آؤٹ ہوئے۔ سہ ملکی ٹی ٹوئنٹی سیریز میں تیسری
ٹیم آسٹریلیا ہے اور تینوں ٹیمیں ایک دوسرے کے خلاف 2، 2 میچز کھیلیں گی جبکہ سیریز کا فائنل 8 جولائی کو کھیلا جائے گا۔ پاکستان کی ٹیم اس وقت ٹی20 کی عالمی درجہ بندی میں 131 پوائنٹس کے ساتھ ساتھ سرفہرست ہے اور دوسرے نمبر پر موجود بھارتی ٹیم کے 123 پوائنٹس ہیں جبکہ آسٹریلیا 122 پوائنٹس کے ساتھ تیسرے نمبر پر موجود ہے۔ سیریز کے دوران آسٹریلیا خصوصاً رینکنگ میں 12ویں نمبر پر موجود زمبابوے سے میچ ہارنے کی صورت میں پاکستان کو اپنے متعدد پوائنٹس اور عالمی نمبر ایک رینکنگ سے محروم ہونا پڑ سکتا ہے۔
