رائے ونڈ (مانیٹرنگ ڈیسک) چودھری عبدالغفور نے کہا کہ نوازشریف کا بیانیہ مسلم لیگ ن چھوڑنے کی وجہ بناہے ،انہوں نے کہا کہ نوازشریف ملک کے اداروں کو کمزور کرنے کی سازش کررہے ہیں ،میں کسی ایسے شخص کیساتھ کھڑا نہیں رہ سکتا جو میرے وطن کے اداروں کو کمزور کرنے کی کوشش کرے ،انہوں نے کہا کہ پاک فوج کے جوان اپنی جانوں کے نذرانے دیکر ہماری سرحدوں کی حفاظت کررہے ہیں اور یہ سیاست دان اپنی سیاست چمکانے کیلئے شہیدوں کے لہو پر کیچڑ اچھال رہے ہیں ۔
پاکستان کی ایجنسیاں اور عدلیہ پاکستان کے سر کاتاج ہیں ،چیف جسٹس میاں ثاقب نثار کے تاریخی فیصلوں کی وجہ سے ملک کا وقار بلند ہوا ہے ،پاک فوج کے چیف جنرل قمر جاوید باجوہ ملک کے حقیقی محب وطن او رخیر خواہ ہیں ،سیاست دانوں نے اپنی لوٹ مار کو بچانے کیلئے قومی ادارو ں کی حرمت کو داؤ پر لگادیا ہے ،میں اپنے خوبصورت پاکستان کو یمن ،فلسطین ،لیبیا ،عراق ،اور شام کی طرح پتھروں کا ڈھیر بنتے نہیں دیکھ سکتا ،پاکستان کا معاشی،نظریاتی اور جغرافیائی ڈھانچہ تبدیل ہوتے نہیں دیکھ سکتا ۔
