کراچی(سی پی پی)سینئر سیاست دان اور عوامی تحریک کے بانی رسول بخش پلیجو کراچی میں انتقال کرگئے۔ترجمان عوامی تحریک کے مطابق 88 سالہ رسول بخش پلیجو طویل عرصے سے علیل تھے،وہ سانس ،دل اور سینے میں تکلیف کی شکایت کی وجہ سے کلفٹن میں نجی اسپتال میں زیرعلاج تھے۔ترجمان کے مطابق رسول بخش پلیجوکی میت کوآبائی علاقے علاقے جنگ شاہی لیجایاجائیگا اور وہیں کل صبح آٹھ بجے نماز جنازہ ادا کی جائے گی ۔

رسول بخش پلیجو 21 فروری 1930کو ٹھٹہ کے منگر خان پلیجو گاوں میں پیدا ہوئے۔انہوں نے ابتدائی تعلیم ٹھٹہ سے حاصل کی جبکہ اعلی تعلیم کراچی کے سندھ مدرس الاسلام سے حاصل کی بعدازاں سندھ لا کالج سے گریجویشن کی اور سپریم کورٹ میں وکیل کی حیثیت سے بھی خدمات سرانجام دیں۔رسول بخش پلیجو کی پہچان صرف ایک سیاستدان ہی کی نہیں۔ وہ پاکستان کے ایک بڑے دانشور، فلسفی، ادیب، نقاد، وکیل اور محقق بھی ہیں۔وہ کئی کتابوں کے مصنف بھی تھے،