اسلام آباد(مانیٹرنگ ڈیسک)کسی بھی صوبے میں جائیں آپ کو ن لیگ کے کام نظر آئیں گے،ہمارے پاس بھی اتنے ہی وسائل ہیں جتنے ماضی کی حکومتوں کے پاس تھے، دس سال میں مشرف نے بجلی کا کوئی کارخانہ نہیں لگایا، حکومت کو غیرمستحکم کرنے کیلئے دھرنے دیے گئے اور عدالتوں میں گھسیٹا گیا ، وہ کچھ ڈیلور کیا ہے جس کا کوئی خواب بھی نہیں دیکھ سکتا، موٹر وے سےکراچی

تک کا سفر 8گھنٹے ہو گیا، وزیراعظم شاہد خاقان عباسی کا موٹروے فائیو کے ملتان ، شجاع آباد سیکشن کی افتتاحی تقریب سے خطاب۔ تفصیلات کے مطابق وزیراعظم شاہد خاقان عباسی نے آج موٹروے فائیو کے ملتان ، شجاع آباد سیکشن کا افتتاح کر دیا ہے۔ افتتاحی تقریب سے خطاب کرتے ہوئے وزیراعظم شاہد خاقان عباسی کا کہنا تھا کہ جو منصوبے کئی، کئی عشروں سے رکے ہوئے تھے وہ بھی مکمل کیے اور مشکل حالات کے باوجود بھی کام کر کے دکھایا جبکہ یہ حکومت منصوبے کے اعلانات ہی نہیں مکمل بھی کر کے دکھاتی ہے۔کیا پہلی حکومتوں کے پاس وسائل نہیں تھے؟ لیکن آج پورے پاکستان میں دیکھ لیں کسی بھی صوبے میں جائیں آپ کو ن لیگ کے کام نظر آئیں گے اور ہمارے پاس بھی اتنے ہی وسائل ہیں جتنے ماضی کی حکومتوں کے پاس تھے۔ دس سال میں مشرف نے بجلی کا کوئی کارخانہ نہیں لگایا تاہم اس حکومت کے دور میں دس ہزار 4 سو میگا واٹ بجلی سسٹم میں ڈالی گئی۔وزیراعظم کا کہنا تھا کہ حکومت کو غیرمستحکم کرنے کیلےے دھرنے دیے گئے اور عدالتوں میں گھسیٹا گیا لیکن اس سب کے باوجود ہم نے ترقی کا سفر جاری رکھا۔اس حکومت نے وہ کچھ ڈیلور کیا ہے جس کا کوئی خواب بھی نہیں دیکھ سکتا ہے اور موٹر وے سے آپ 8 گھنٹے میں کراچی پہنچ سکیں گے اور ہم نے نہ صرف آج بلکہ آنیوالے کل کیلئے بھی کام کیا ہے۔