ممبئی (این این آئی)چنائی سپر کنگز نے رواں انڈین پریمیئر لیگ کے گیارہویں ایڈیشن کیلئے انگلش آل رائونڈر ڈیوڈ ویلے سے معاہدہ کر لیا ٗ ویلے آئی پی ایل میں طلب کئے جانے والے 12ویں انگلش کھلاڑی بن گئے ہیں، چنائی نے زخمی کیدر جیدھو کے متبادل کے طور پر ویلے کی خدمات حاصل کی ہیں، جیدھو فٹنس مسائل کے باعث لیگ سے
باہر ہو گئے ہیں۔ ویلے کو 34 ایک روزہ اور 20 ٹی ٹونٹی بین الاقوامی کرکٹ میچز میں انگلش ٹیم کی نمائندگی کا اعزاز حاصل ہے۔ چنائی کے کوچ مائیکل ہسی کے مطابق ویلے باصلاحیت آل رائونڈر ہیں ان کی شمولیت سے ہماری بیٹنگ و بائولنگ لائن اپ مزید مضبوط ہو گئی ہے، امید ہے وہ ٹیم کو فتوحات دلانے میں کردار ادا کریں گے۔
