کراچی (نیوز ڈیسک) پشاور زلمی کے کپتان ڈیرن سیمی اور کراچی کنگز کے آل راؤنڈرز شاہد خان آفریدی کے درمیان سوشل میڈیا پر ایک دل چسپ مکالمہ ہوا، واضح رہے کہ ایک پریس کانفرنس میں پشاور زلمی کے کپتان ڈیرن سیمی نے شاہد آفریدی کو پاکستان کا بڑا سٹار کہا تھا جس پر سوشل میڈیا کے ذریعے شاہد آفریدی نے ان کا شکریہ ادا کیا، شاہد آفریدی نے

کہا کہ آپ کے اپنے بارے میں خیالات اور پاکستان میں کرکٹ کے فروغ کے لیے اقدام کو سراہتا ہوں۔ شاہد آفریدی نے فائنل میں پشاور زلمی کی ٹیم کے لیے نیک خواہشات کا اظہار کیا، جس کے جواب میں ڈیرن سیمی نے کہا کہ آپ کے خیالات کا شکریہ ادا کرتا ہوں اور مزید کہا کہ شاہد آفریدی آپ لوگوں کے چیمپئن ہیں اوررہیں گے،آپ نے مجھے ہمیشہ سپورٹ کیا۔

موضوعات:ڈیرن سیمی اور شاہد آفریدی