کراچی(این این آئی)پشاور زلمی کے اسپن باؤلنگ کنسلٹنٹ ثقلین مشتاق نے کہاہے کہ کراچی میں پاکستان سپر لیگ (پی ایس ایل) کے فائنل کی تیاریوں میں کراچی والوں نے لاہوریوں کو بھی پیچھے چھوڑ دیا۔ایک انٹرویومیں ثقلین مشتاق نے کہا کہ ان کی ٹیم کو پلے آف مرحلے کے تمام میچز جیتنا تھے اور اس حوالے سے ٹیم پر بہت دباؤ تھا۔انہوں نے کہا کہ فائنل میں پہنچنے کے بعد ان کی ٹیم پر دباؤ کم ہے جس کا تمام تر سہرا کھلاڑیوں

اور ٹیم اسٹاف کو جاتا ہے۔مایہ ناز آف اسپنر کا کہنا تھا کہ ان کی ٹیم پی ایس ایل کی دفاعی چمپئن ہے اور اس حوالے سے یہ ان کیلئے بہت بڑا میچ ہے۔ثقلین مشتاق نے کہا کہ انہوں نے سیکیورٹی کے بغیر کراچی میں سیر و تفریح کی اور وہ کراچی والوں کا پی ایس ایل فائنل کے لیے جوش و خروش دیکھ کر انتہائی خوش ہیں۔انہوں نے کہا کہ کراچی والوں نے پی ایس ایل کی تیاری اور جوش و خروش میں لاہور کو بھی پیچھے چھوڑ دیا